Journal of Emerging Investigators (JEI)

O‘rta va yuqori sinf o‘quvchilari tomonidan olib borilgan original ilmiy tadqiqotlarni nashr etuvchi xalqaro, ochiq kirishli ilmiy jurnal. Maqolalar ilmiy ekspertizadan va tahririy ko‘rib chiqish jarayonidan o‘tadi.

O‘z ilmiy tadqiqotini peer-reviewed jurnalda nashr etish imkoniyati; ilmiy yozuv va peer review tajribasini olish; nashr etilgan maqola uchun DOI olish; research portfolio-ni kuchaytirish; universitetga topshirishda haqiqiy ilmiy natijani ko‘rsatish imkoniyati.

13 yosh va undan katta o‘rta va yuqori sinf o‘quvchilari topshirishi mumkin. Birinchi submission o‘quvchi universitetga kirishidan oldin amalga oshirilishi kerak. Qo‘lyozma tabiiy fanlar bo‘yicha gipotezani sinovdan o‘tkazadigan original tadqiqot bo‘lishi kerak. Har bir maqolada kamida bitta student author va senior author bo‘lishi shart. O‘quvchi maqolani mustaqil ravishda topshira olmaydi — uni katta yoshli shaxs topshirishi kerak. Insonlar yoki umurtqali hayvonlar ishtirokidagi tadqiqotlar uchun tegishli ruxsat hujjatlari talab qilinadi.