The Global Problem-Solving Institute (GPSI)

Pioneer Academics tomonidan tashkil etiladigan xalqaro onlayn dastur. Maktab o‘quvchilari real global muammolarni fanlararo jamoalarda o‘rganadilar va systems thinking hamda design thinking yondashuvlaridan foydalanadilar. Dastur tadqiqot, akademik yozuv, tanqidiy fikrlash va murakkab muammolarni hal qilish ko‘nikmalarini universitet darajasida rivojlantiradi. Dastur University of North Carolina at Chapel Hill bilan hamkorlikda ishlab chiqilgan.

Universitet darajasidagi akademik tajriba; real global muammolar ustida ishlash; fanlararo jamoaviy faoliyat; bir nechta universitet professorlaridan ta’lim olish; research, writing, systems thinking va design thinking ko‘nikmalarini rivojlantirish; dasturni C- yoki undan yuqori baho bilan muvaffaqiyatli yakunlagan holda UNC-Chapel Hilldan 2 ta universitet krediti olish.

9–12-sinf o‘quvchilari uchun ochiq. Nomzodning unweighted GPA ko‘rsatkichi kamida 3.3 bo‘lishi va butun maktabdagi akademik tarixida alohida fan bo‘yicha semestr yoki yillik C bahosi bittadan oshmasligi kerak. Ingliz tili bo‘yicha quyidagi mezonlardan biriga javob berish lozim: ingliz tili asosiy ta’lim tili bo‘lgan maktabda o‘qish; kamida 2 yil ingliz tilini B+ yoki undan yuqori baho bilan o‘rganish; 1 yil A- yoki undan yuqori baho bilan o‘rganish; yoki TOEFL 95+, IELTS 7.0+, SAT Evidence-Based Reading & Writing 600+, ACT English & Reading 28+, AP English Language and Composition 3+ natijalaridan biri. Ariza tarkibiga rasmiy maktab transkripti, o‘qituvchi baholashi va bir nechta short-answer savollarni o‘z ichiga olgan GPSI arizasi kiradi. Har bir semestrda faqat bitta kursga ariza topshirish mumkin.